0+
Оглавление - Канон Пресвятой Богородице, читаемый пред Её иконой Кассопитра
- Канон Пресвятой Богородице, ЧТОмый пред ее чтимой иконой Кассопитра
- Предисловие
- Использованная литература
- Тропарь
- К Твоей честней иконе вси притецем, / и с умилением к ней припадем, / и Богородице вси воспоем: / радуйся, Благодатная, Господь с Тобою. / Стефана слепого одарила еси новыма очима, / и нам зеницы душевныя просвети. / И души наша озари, / и вся поющия Тя спаси: / Радуйся, божественная двере Света, / радуйся, Жизни трапезо, // радуйся нашего житейскаго плавания тихое прибежище
- Канон
- Песнь 1
- Ирмос: Во́ду проше́д, я́ко су́шу, / и еги́петскаго зла избежáв, / изрáильтянин вопия́ше: // Избáвителю и Бо́гу на́шему пои́м
- Глас мой, Дево, смиренный, / яко благоусланная Мати / Человеколюбца нашего Бога, / услыши, Чистая, // и душу мою от тьмы избави
- Яко божественное сокровище твоего Храма, / Керкеры священное приобретенье, / верою пришедше, // Твой всечестный образ Кассиопейский облобызаем
- Единаго от Троицы / преестественно, Святая Дево, роди во плоти, / да Он любовию Своею меня свяжет // от плотской любви меня свобождая
- Ты — блещащийся источник исцелений, / испущающий воды Благодати, / Ты — цветниче обретаемых чудес, // о Чистая Дево Владычице
- Согласно роды людстьи / и сонмы Ангелов небесных / немолчными устами / славословят велие таинство / Твоего преславнаго рождества, // о Всесвятая Мати Дево
- Песнь 3
- Ирмос: Небе́снаго кру́га Верхотво́рче, Го́споди, / и Це́ркве Зижди́телю, / Ты ме́не утверди́ в любви́ Твое́й, / желáний крáю, ве́рных утвержде́ние, // Еди́не Человеколю́бче
- Глаза Стефану, / на пути ослепшу иногда, / и с верою к храму святому Твоему, притекшу, / о Дево, Ты вновь подала еси, / темже, яко мощно, // победную песнь вси Тебе воспеваем
- Божественным светом Твоего Сына, Дево, / мысленных эфиопов / мрачные ряды ослепила еси. / Ангельские лики, о Тебе хваляющие Бога, / блистанием светлым озарила еси, // и всех нас лучами Благодати просвети
- Ты — покаяния начало, / стояния опора, / веры, любви, надежды утверждение, / молитвы сладосте, / доброты богатство, // Дево Госпоже, Пресвятая Мати Божия
- Избранная Богом, / яко чистейшая Дево, / и благословенная измлада, / Божественно облагодатствованная, / многоцветно блищащая, / о Пресвятая Марие, // Ты Евино поползновение исправи
- Темный мой ум, далече, / Чистая, убеже. / Свет от света, Дево, / яко Ты Едина родила еси, / и обновления светом, / внутренняя моя просвети, / и закон спасения, // Божественнаго разумения ми даруй
- Обнови сердца моего очи, Дево, / очи новые даровавшая Стефану, // яко да узрю Бога неизреченную добро́ту При́зри благосе́рдием, всепе́тая Богоро́дице, / на мое́ лю́тое / телесе́ озлобле́ние, // и исцели́ души́ моея́ боле́знь
- Седален
- Свещниче златый, невещественный начаток, / свет таинственный, / и луно сверхсветлая,/ твердь небесная,/ мир Божеством просветившая,/ о, Дево, достойно Тя яко воистину, // яко Мати всяческих Царя величаем
- Песнь 4
- Ирмос: Услы́шах, Го́споди, / смотре́ния Твоего́ тáинство, / разуме́х дела́ Твоя́ // и прослáвих Твое́ Божество́
- Во время скорби, милостивно предстани / молящимся Тебе, Марие Приснодево, / и удостой нас свободитися // от помышлений суетных
- Яко звездное небо, / в славе воссияла неизреченней Божественной, / Дево Всепречистая, // яко в славе Бога родила еси
- Тя знаем яко тайный Раю, / присно радуемся, спасеннии Тобою, // Приснодево Чистая
- Несумненно вси от сердца / Ти согласно: «Радуйся» поем, / радости принесшей исполнение, // о Всесвятая Мати Дево
- Про́стии и славные, / богаты и убозии / вси вкупе собираемся: / и Тобою хвалимся, / икону лобызающе, // и чудеса созерцающе
- Песнь 5
- Ирмос: Просвети́ нас повеле́нии Твои́ми, Го́споди, / и мы́шцею Твое́ю высо́кою // Твой мир подáждь нам, Человеколю́бче
- Чудес множество источается, / из иконы Твоея, Чистая, / всякому с любовию притекающу, / к Тебе, яко Божией Матери, // Ты поможеши хотяй
- Милости Твоей, Дево / невозможно измерити / людскому помышлению, / о Мати Дево /, Ты нас столь нежно любиши
- Глаза всех в Твоих руках, / Ты зрение способна дати, / или у некого отъяти, / Ты посрамляеши лукавно зрящих, // верных же спасаеши рукою Твоею
- Ты — Книга жизни, / в Которой написася Христос, Царь и Господь, / без средства чернильна, / по слову пророчу, // безсеменно зачася совечный Отцу Сын и Бог
- Имена врагов чуждих, / от земли стираеши, / о, Дево Пречистая, // смиренных же рог возносиши
- Песнь 6
- Ирмос: Моли́тву пролию́ ко Го́споду, / и Тому́ возвещу́ печа́ли моя́, / я́ко зол душа́ моя́ испо́лнися, / и живо́т мой а́ду прибли́жися, / и молю́ся, я́ко Ио́на: / от тли, Бо́же, возведи́ мя.
- Ты — Госпоже премирных сил, / Ты еси Царице властелином, / Ты ширши неба и пространнее земли, / Ты роди превыше всякой твари Властелина / и чрево Твое вмести Невместимаго // о, Дево, Ты от всяких зол нас всех спаси
- Мир мне Твой глубокий даруй, / о Пресвятая Богородице, / Начальника мира/ во утробе Ты прия, // и разодра рукописание древней льсти
- Приими от нас благозвучные песни / и сладкогласные, / возглашающие страшную тайну, / како Бога прияла еси, / неизреченно воплощеннаго, / о Ластвице высокая, / превыше всяка ума, // Едина Дево Чистая
- Безмерна крепость Твоей милости, / и слава Твоя, Чистая. / Како Бога, сильнаго в крепости, / руками легце поносила еси? // Како славою ангельских чинов превозошла еси?
- Призвание наше в обоже́нии / Тобою нам открыся. / И прелесть древнего змия, / Тобою сокрушися. / Се ныне Адам ликует, / и радуется Ева, // Тобою рая празднуя отверзение
- Обнови сердца моего очи, Дево, / отражающи Божественной доброты зрак, // очи новые даровавшая Стефану
- Девственная, словом / Слово неизъяснимо, / в последняя времена роди, / и ослепи враги, // Держимым Материю неизреченно
- Кондак
- Сострадания матернего главизно, / благословения и любве пучино, / Ты правиши сострадательно / необъятной Твоей ослабой; / яко утробой Твоей матерней, / сострадаюши нам, милость раздаешь. / О, Госпоже Дево Чистая,/ Керкеры похвало, вселенныя пристанище, // мирное убежище
- Песнь 7
- Ирмос: От Иуде́и доше́дше о́троцы, / в Вавило́не иногдá, / ве́рою Тро́ическою плáмень пе́щный попрáша, пою́ще: / отце́в Бо́же, благослове́н еси́
- Благоразумие и тишину, / и сострадание ко всем и милосердие, / вольно являеши, Дево Чистая, / Тебя усердно почитающим, // и Бога воспевающим во веки
- Яко многа Твоя милость, / и велий Твой покров, / распростираемый чрезмерно, / Ты ходатайца пред Богом верным, // темже Тя вси восхваляем
- Алчущих исполни благ, / и богатящихся отпусти тщи, / вся управляешь верно, Чистая, / не остави нас в беде, // яко Хлеб жизни воплотила на земле
- Священство Божие, / и царскую власть вечную, / Дево Чистая, яви / Тобою Воплощеннаго из корене Давидова // от иереев и царей славу приими
- Слепому мне от утробы, / глаза Сын Твой пусть откроет, / о, Дево Чистая, / яко древле слепому Стефану / гласа вновь подари; / от худшего восставляя к лучшему, / яко Ты присносущнаго Света Мати
- Песнь 8
- Ирмос: Царя́ Небе́снаго, / Его́же пою́т во́и А́нгельстии, / хвали́те и превозноси́те во вся ве́ки
- Сказанное пророками исполнилось / Всесвятая на Тебе воистину / Дево родила еси // миру всех Царя и Бога
- Беспрестанно в песнях ангельских, / и в православных соборех воспеваема, / о, Дево Пречистая, // яко Ты радость всем източаеши
- Воистину в Божественную пристань, / к Тебе прибегаем, Чистая, / Ты — тихая гавань, / Ты — наша ослаба, // Тя с любовию почитаем
- Велие утвержение, / и предстательнице миру, / и убежище и стено / и божественный покрове, // всем Тя с любовию воспевающим
- Яко Тя роды в песнех, / достойно да восхвалят, // Едина Чистая, Благословенная
- Царя́ Небе́снаго, / Его́же пою́т во́и А́нгельстии, / хвали́те и превозноси́те во вся ве́ки
- Песнь 9
- Ирмос: Вои́стинну Богоро́дицу / Тя испове́дуем, / спасе́ннии Тобо́ю, Де́во чи́стая, / с безпло́тными ли́ки Тя величáюще
- Достойно и праведно, / Тебе пети радостными гласы, / от ликов ангельских, / и верных собрания, / яко да в шуме празднующих, // присно Бога восславим
- Яко заря новаго дня, / свет мирови явися, / Присноблаженная, Тобою, Чистая. / И мир весь Просветившаго, // Бога восхвалим во веки
- Отгоняеши тучи, / орошаеши радостию, / и вечной сладостью, / о, Мати Чистая,// Твоя милости воспеваем во веки
- Безневестная Дево, / Чистая Марие, / творити милости Твоя не престай, / и всем верным людям Твоим помогай, / о, чудес источниче, / и милостей пучино, // Ты от всякаго зла нас спасай
- Ты, Богом посещенная, / по Божию смотрению, / от ангелов певаема, / о Дево Чистая, / родила еси присносущное Слово, // Единаго от Троицы
- Вои́стинну Богоро́дицу / Тя испове́дуем, / спасе́ннии Тобо́ю, Де́во чи́стая, / с безпло́тными ли́ки Тя величáюще
- Светилен
- Радуйся добрыни начаток, / радуйся света Божественнаго врата, / благости источниче, / жизни защительнице, / любве главизно, / надежды чертоже, / веры основание нерушимое. / Радуйся, Марие Дево, // славо Керкиры и вселенней восхваление
- Ясные языки риторов, / все в безмолвии смолкают, / Твое неизреченно рождество, / воспети не дерзают. / Уста же аз отверзу, / с верою притекая к Тебе, / пою Твое многочудное благоутробие. / Яко в многоразличных обстояниих, / нас спасающей взываем: // радуйся, Дево преславная
- Приложение
- На великой вечерне
- На утрене
- На Литургии