Бесплатный фрагмент - Акафист перед иконой Божией Матери Милостивая

Акафист перед иконой Божией Матери Милостивая, яже Всемилостивая неречеся

Икос 1

Избранную от всех дщерей земли, Подателя милости и щедрот во Чреве Своем воплотившую похвально воспоим Владычицу нашу Богородицу, Ты же от всех нас бед свободи и милости всякой исполни, да зовем Ти:

Радуйся, Всемилостивая Владычице, милости Божией Всеблагая Подательнице!

Кондак 1

Ангелов и человеков Творец и Создатель, милости и щедрот всех Податель, Иже во Чреве Твоем воплотися изволи и всех милости Его просящих прибегати к Тебе научи, да милости и благодати источник в Тебе обретше, зовут Ти таковая:

Радуйся, во Чреве Своем воплотившая мира Создателя!

Радуйся, рождшая падшему миру Всех благодати и милости всякой Подателя!

Радуйся, милости всякой Источник во Чреве Своем воплотившая!

Радуйся, мир весь Своим Рождеством удивившая и возвеселившая!

Радуйся, падший подверженный тленью наш мир освятившая!

Радуйся, смерти державе порабощенных радости вечныя жизни известием радости той приобщившая!

Радуйся, Рождеством Своим смерти державу избывшая!

Радуйся, надеждой на примирение с Богом всех верных сердца укрепившая!

Радуйся, милостью к падшему миру надеждой сердца согревающая!

Радуйся, милости Божьей Подателя всех нам Младенца являющая!

Радуйся, ада создателя семя Своим Рождеством истребившая!

Радуйся, в милости Божьей надежду всех верных Своим Рождеством утвердившая!

Радуйся, Всемилостивая Владычице, милости Божией Всеблагая Подательнице!

Кондак 2

Видящи отроки халдейскии на руку Девичу рукою Своею милость всему миру Являюща и Изливающа, аще и рабий образ прияша, потщася дарами послужити Тому, милости образ являющими: ладаном, смирною и златом, да и мы, сбытие сего зряще, дарами добрыми милости всех Подателю послужити потщимся: молитвою и богомыслием, яко ладаном, смирением и в волю Божию себя полным преданием, яко смирною и всем стяжанием своим телесным и духовным, яко златом многоценным, милость Того приобрящем, зовя:

Аллилуйя!

Икос 2

Разум неуразуменный и милость велию Божию Премудрая Дева стяжаше, егда же Ангелу предстателю реша: «се, раба Господня, да будет Мне по словеси Твоему». И сбышася словеса Господня на Ней и воплотися Бог Слово во Чреве Ея. Мы же, Таинству сему великому дивяшеся, Всемилостивую Владычицу, всех Подателя милости рождшую ублажим, зовя сице:

Радуйся, восприявшая милость Вселенной Содателя!

Радуйся, во Чреве Своем воплотившая милости и Премудрости Божьей Подателя!

Радуйся, Премудростью превзошедшая вся Силы Небесныя!

Радуйся, от всех чинов ангельских и родов человеческих вовеки за то ублажаемая!

Радуйся, смирением души Своея милость Божью вовеки премудро привлекшая!

Радуйся, известию милости Божией душу и сердце премудро и просто открывшая!

Радуйся, разум всех верных в Премудрости Божьей вовек утвердившая!

Радуйся, снитием милости Божией наш падший подверженный тлению род человеческий возвеселившая!

Радуйся, тленную плотскую мудрость Своим Рождеством попирающая!

Радуйся, прежде Небесныя мудрости и Царствия Божия взыскати Своим Рождеством наставляющая!

Радуйся, страху пред Богом Твоим Рождеством научающая!

Радуйся, в милости Божией надеждой всех верных сердца укрепляющая!

Радуйся, Всемилостивая Владычице, милости Божией Всеблагая Подательнице!

Кондак 3

Сила Вышняго и милость Того осени тогда к зачатию браконеискусную, да милости всех Податель воплотится во Чреве Ея, всем хотящим спасение и милость Божью стяжати прибегати к Тебе научи, Богу поя о Тебе:

Аллилуйя!

Икос 3

Имуще милость неизреченную и Блаженное Чрево Свое, яко благодати

Источник Неисчерпаемый, Всемилостивая Дева Владычица рекла еси Евангелисту Луке о иконе Своей: «С Сим образом благодать и сила Моя и Рожденного Мной да пребудут» и от того часа икона сия первописаная и многое множество иных образов Всемилостивой во всех странах и весях христианских чудеса источают, являя всем верным милости и благодати Источник Неисчерпаемый, да научившись прибегати к тем, возопиим Всемилостивой и Всеславней:

Радуйся, благодати и милости Божией Источниче Неисчерпаемый!

Радуйся, море милосердия, всех скорби омывающее верных!

Радуйся, смирения пред волей Божьей нам образ явившая!

Радуйся, всех верных милость Божию смирением стяжати научающая!

Радуйся, на милость Божию в сем падшем мире полагатися вразумляющая!

Радуйся, надеждою на милосердие Творца в юдоли сей плачевней сердце укрепляющая!

Радуйся, Рожденного Тобою милость верным посылающая!

Радуйся, страстей угар росою милости и благодати Божьей угашающая!

Радуйся, всех верных милостью и благодатью Божьей просвещающая!

Радуйся, на милость Божию всегда во всем надежду полагати научающая!

Радуйся, надеждой в Боге ум и сердце укрепляющая!

Радуйся, надежду, веру и любовь яко Божьей милости соуз всесовершенства нас стяжати наставляющая!

Радуйся, Всемилостивая Владычице, милости Божией Всеблагая Подательнице!

Кондак 4

Бурю внутрь имеют помышлений сумнительных суетные и самонадеянные сына века сего, не хотящие жити по воле Божией, яже есть благая, угодная и всесовершенная, иже на Бога упования не имут, не ведуща пети:

Аллилуйя!

Икос 4

Слышаша о дивном заступлении Богоматери и неизреченных милостях Сына Ея, по ходатайству к Матери Его являемых, все вернии к ходатайству Твоему прибегают, пред образами Твоими изливая скорби и прошения своя, утоление печалей и исполнение надежд своих обретая, радости всесветло исполняются, поюще Той реша:

Радуйся, всех исполнение милости мира Создателя!

Радуйся, рождшая милости и благодати Подателя!

Радуйся, в милости Божьей наш падший, подверженный тлению мир утвердившая!

Радуйся, милости Божьей всех верных Своим Рождеством приобщившая!

Радуйся, всех на Тебя упование имущих никогда и никакоже не посрамляющая!

Радуйся, всех ненадеемых в милости Божьей Своим Рождеством утверждающая!

Радуйся, смерти державы начальника всепопирающая!

Радуйся, Жизни Подателя верным Своим Рождеством предлагающая!

Радуйся, самых отверженных не отвергающая!

Радуйся, всех потерявших надежду и в милости Божьей отчаявшихся вновь воздвизающая!

Радуйся, в скорбях крест тяжкий несущих Своим Рождеством утешающая!

Радуйся, милости у человеков лишенных ходатайством к милости Божьей Подателю вновь приобщающая!

Радуйся, Всемилостивая Владычице, милости Божией Всеблагая Подательнице!

Кондак 5

Боготечную звезду, источающую свет милости Иже Тобой Рожденного зрим образ Твой, Богородице, иже светом милости Твоея всесветло сияет, наставляет нас Твоему милостивому ходатайству ко Всех Подателя милости прибегати, вопиюще Тому о Тебе:

Аллилуйя!

Икос 5

Видеша вся прибегающии к Тебе, Мати Дево, яко по милостивому ходатайству Твоему всем с усердием молящимся Тебе перед чудесным образом Твоим милость Иже от Тебя Рожденного дарована всемилостиво бывает, с тщанием прибегают к Тебе и вопиют Тебе тако:

Радуйся, милости Иже из Тебя Рожденного Всемилостивая Служительнице!

Радуйся, милости всех Подателя Всемилостивая Сожительнице!

Радуйся, от милости Божьей отверженным Подателя милости Божьей родившая!

Радуйся, милости Божьей отвергшихся в милости Божьей Своим Рождеством утвердившая!

Радуйся, волей от милости Божьей отвергшихся Сыном Своим победившая!

Радуйся, милости вечныя жизни на вечныя муки осужденных возвеселившая!

Радуйся, Подателя вечныя жизни родившая!

Радуйся, смерти осужденных Тобою Рожденного милостью в милости вечной надеждою вновь утвердившая!

Радуйся, Рождеством Своим скорби осужденный мир освятившая!

Радуйся, начальника скорби державы Своим Рождеством в вечной скорби вовек утвердившая!

Радуйся, смерти подверженный род человеческий возвеселившая!

Радуйся, Путь к вечной жизни всем верным открывшая!

Радуйся, Всемилостивая Владычице, милости Божией Всеблагая Подательнице!

Кондак 6

Проповедницы милости Твоея быша вси улучившия от иконы Твоея милости, тем же и вразумление Божие получивше, да в скорбных обстояниях и недоумениях к заступлению Твоему прибегая, неиссякаемый источник Милости Твоея (и Благодати Источник Неисчерпаемый) в Тебе обретая, Рожденному Тобой Подателю всех милости вопиют:

Алиллуйя!

Икос 6

Возсия образ Твой, Владычице, яко неиссякаемый Источник милости, темже и старец Исайя, милостивое вразумление Божие от Тебя улучив, яже просвещение истины премудро уразумев, ту же истину наместнику Мануилу и самому императору дерзновенно исповедал еси, да и мы, сия зряще, так же преславное избавление от скорбей и болезней улучити потщимся, яже Божия вразумления суть, вкупе возопиим к Богородице:

Радуйся, всемилостивое Истины и благодати Божией верных преобретение!

Радуйся, всех истины взыскующих к Подателю всех Истины и Милости Господней приведение!

Радуйся, всех пагубных путей и навыков греховных оставление!

Радуйся, по Истине и милости Господней всех хотящих жити наставление!

Радуйся, всех разума у разума Подателя просящих обретение!

Радуйся, всех Божьей Истине противящихся вразумление!

Радуйся, всех милости и разума просящих милостивое в разуме и милости Христовых утверждение!

Радуйся, умом окраденных покров и утешение!

Радуйся, премудрости просящих к всех Премудрости Подателю премудро приходити наставляющая!

Радуйся, по милости и воле Божьей смысл и милость обретати научающая!

Радуйся, путь в Царствие Подателя всех милости всем верным обретати помогающая!